الٰہی فکرمندی کے لئے انسانی جواب

The Divine Thought

By

One Disciple

ایک شاگرد

Published in Nur-i-Afshan January 19, 1890

نور افشاں مطبوعہ۹جنوری۱۸۹۰ء

’’میں   نے   چاہا   لیکن  تم   نے نہ چاہا   ‘‘ خدا انسان کا  جب کہ  وہ یرشلیم پر رویا  اس قدرغمگین قول  تھا ۔ وہ    یروشلیم   کو   محفوط  رکھنے    اور بچانے کے   لئے   خواہش مند ،مشتاق   ،تیار  اور   قابل   تھا  لیکن   اُس  نے    حفاظت   اور   مخلصی   کو  نا منظور کیا  ۔ کیا    اور  کوئی   بات اس  سے  زیادہ  دلسوز (رلانے والا)اور  در دانگیز ہوسکتی   ہے ؟  الٰہی  طبعیت   مدد   کرنے ، تسلی   دینے    اور خبر  لینے    کی خواہش   کرتی اور  انسانی   طبعیت   ان   سب   پیش کردہ برکات   کورد  کرتی   ہے!  تو بھی   آ ج کے دن ہم  اپنے   آس پا س  ایسی   ہی بات   واقع   ہوتی دیکھتے  ہیں ۔ تمہاری اور  میر ی   اور ہر کسی کی روحانی   اقبالمندی   (خوش نصیبی)کے لئے   الٰہی  خواہش آج کے   دن   اُس قدر  بڑی   اور ظاہر   ہے  جیسی  کہ اٹھارہ    سو بر س  گزرے   یروشلیم   کے زمانہ   میں تھی    ۔ اس سلطنت  عظیم  کی تمام   قوموں  کے  لئے   الٰہی     طبعیت   فکر مند   انہ  خواہش   کر رہی  ہے  تاہم  اُس کی   خواہشوں   کی کیسی   مخالفت  اور  تر وید کی جاتی ہے ۔  جب وہ اس تباہ  حال  اور  بد نصیب  ہندوستان   پر   نظر  ڈالتا ہے   تو    اُس   کا  دل   ہر روز کس قدر  غمگین   ہوتا    ہے ہم  اس قسم   کے  سوال  اکثر سنتے   ہیں  کہ پس   خدا کیوں   انسان   پر  زبر دستی   نہیں  کرتا کہ وہ اُس کی   بات   کو  قبول  کر لیں   ؟   کیوں   وہ اپنی   قدرت    مطلق  کوکام   میں   نہیں   لاتا   کہ لوگ   مجبور  ہوکر   اُس کی   فرمانبرداری   کریں ؟ کیایہ  بات  روز  روشن   کی مانند   ظاہر   نہیں  ہے  کہ خدا  کو انسان  کا  بخوشی   و خود اختیار  ی قبول   کرنا  چاہئے تاکہ   ایسی   قبولیت     سے وہ   خوش ہو؟ محبت   و  فرمانبرداری    بالجبر  محبت    و   فرمانبرداری بالکل   نہیں  ہے   ۔ ضرور ہے  کہ انسانی   دل   خود بخود   الٰہی دل   کی خواہش   کےفرمانبردار  ہو نے  کو پسند    کرے۔  انسان    کو  واجب   ہے  کہ   وہ اپنی   آزاد مرضی   سے خدا   کو قبول  کرے   اور اُس  کے    ساتھ    رفاقت   رکھے   ۔ خدا   انسان کی مرضی   کی آزادی   کو نہ  صرف   انسان  کی خاطر لیکن   اپنی   خاطر   بھی    معزز  سمجھتا ہے ۔ انسان   کو  یہ خیال  کرنا   لازم نہیں  کہ   قادر  مطلق   خداوند  اپنی طاقت  و قدرت  کو لازم نہیں کہ قادرمطلق خداوند اپنی طاقت و قدرت کو جابر  انہ   کام   میں لاتا    اور صرف زبر دستی   سے تما م مخالفت کو  پامال کرتا  ہے ۔ انسان خدا  کے  حضور ’’نہیں  ‘‘کہنے  کے لئے اُسی قدر  آزاد    جس  قدر   اپنے    ہم جنس   کے لئے   اور ضرور وہ  خدا   کے حضور  ’’ ہاں ‘‘ اُس  قدر   ر غبت   وآزاد    پسند  یدگی   (آزاد مرضی)کہہ  سکتا  ہے ۔ جس  قدر   وہ اپنے  ہمسایہ  کے سامنے کہہ سکے   ۔صرف    ایسے  ہی جواب  کو خدا  قبول   کر ے گا  ۔ پس  جب   ایسا  جواب   موجود   نہیں ہو  تو خدا کا دل  اُس  کے  لئے  کرے   گا ۔ پس جب   ایساجو اب   موجو  د  نہیں   ہو تو    خدا کا  دل اُس  کے   لئے  کیسا  اینٹھتا (اکڑنا) ہے  ! جب خدا انسان   کو زندگی   کی شاہر اہ میں ٹھوکر    میں   کہا   تا مغموم  (غمگین)و  مجروح  (شکست خورہ)اور ایک  ہادی   (راہنما)و مد د گا ر محتاج   دیکھتا   ہے۔وہ    فرماتا ہے   کہ   میں نے   کتنی   بار  تیری  راہنمائی    اور امداد  کرنا    چاہا  لیکن   تو نے   مجھے   کرنے   کی اجازت نہ دی  ۔ جب وہ  آدمی   کو گناہ  اورخرابی   میں غرق   ہوتا  دیکھتا ہے ۔  وہ فرماتا  ہے کہ   میں   کتنی   بار  تجھے  بچانے  کی  درخواست   کی   لیکن   تو  نے   نہ چاہا   ۔ افسوس   کہ  الہیٰ   فکر مند ی   کے جواب   میں انسانی   جواب   ایسا  نا سپاس    (شکرگزار نہ ہونا)اور خراب   قسم  کا   ہو! آؤ   ہم  سب  اس   پر   غور  کریں  کہ الٰہی دل   فوراً وہ  جواب   پائے  جس کی وہ  خواہش  کرتا  ہے   اور   آؤ  ہم  محفوظ رہنے   نجات   پانے اور  ابدی   مبارک کے لئے  اپنے    کواس  کے    ہاتھ    میں سپر د  کریں ۔  ایسا نہ   ہو  کہ ہم   غم  کے ساتھ   یہ  کلمہ   اپنی  نسبت  سنیں    جیسا  یسوع   نے کہا    جب کہ   وہ   یر وشلیم     پر غم   کھاتا  اور روتا  تھا۔  ’’اے   یروشلیم   یروشلیم   تو   جو   نبیوں   کو مارڈالتا اور اُنہیں   جو   تیرے    پاس    بھیجے  گئے    سنگسار  کرتا ہے   ۔میں   نے کتنی    بار   چاہا  تیرے لڑکوں  کو جمع  کروں    جس   طرح   کہ  مر غی   اپنے   بچوں   کو  پروں   تلے    اکھٹا کرتی   ہے  ۔ پر  تم  نے نہ   چاہا‘‘۔